Skip to content

Bedana Abdi Alloh jeung Abdi Syaitan

Mei 16, 2011

Abdi Alloh mah teu sieun ku sagalana, boro-boro kaleungiteun harta jeung banda, leungit nyawa ge Abdi Alloh mah teu sieun. Tegesna lamun manusa geus jadi Abdi Alloh dimana nyinghareupan parentah ti Alloh keur kapentingan bersama umat manusa tara oyag bulu salambar, boro-boro leungit harta leungit nyawa ge teu sieuneun sabab Abdi Alloh boga kayakinan, paehna moal rugi surga buruhna, kajeun aya seuneu naraka teu oyag bulu salambar da naraka na ge moal ngegel kana kulitna. Atuh lamun Abdi Alloh teu sieun paeh mah, Abdi Alloh teh sok hayang paeh??? tah didieu kaliruna…

Lamun aya jalema sok menta paeh eta teh lain Abdi Alloh tapi Abdi Syetan, naon sababna? Dimana hayang paeh pasti embungeun hirup, dimana embung hirup nolak kana amanah ti Alloh, padahal hirup lain meunang pesen, tapi amanah ti Alloh pikeun kumawula ka Anjeunanana.

Conto, sok aya geningan jelema anu gering lila teuing tuluy ngomongna “Aduh Gusti ari kieu-kieu teuing teh mugiya abdi enggal dipundut weh…” Abdi syaitan eta teh.

Conto nu lain mah aya anu nepikeun ka ngagantung maneh. Jadi lamun aya jelema nu sok hayang paeh lain Abdi Alloh, tapi Abdi Syaitan, da ari Abdi Alloh mah teu sieun paeh tapi tara hayang paeh.

Atuh ari tara hayang paeh mah Abdi Alloh teh sok hayang kana hirup??

Tah didieu bedana, lamun aya jelema anu kokomoan kana hirup eta teh lain Abdi Alloh, tapi Abdi Syaitan, da ari Abdi Alloh mah tara kokomoan kana hirup. Naha ari anu kokomoan kana hirup disebut Abdi Syaitan, naon sababna?? Dimana jelema kokomoan kana hirup eta teh embungeun paeh, dimana embungeun paeh manehna tara tanggung jawab.

Abdi Alloh mah sanggup hirup – rela paeh… Pangna sanggup hirup, sabab hirup lain meunang pesen tapi amanah ti Alloh.

Pangna rela paeh, sabab boga kayakinan paehna moal rugi surga buruhna, kajeun aya seuneu naraka teu oyag bulu salambar sabab naraka-na ge moal ngegel kana kulitna. Standar Abdi Alloh mah, teu sieun ku naon-naon, asal Alloh weh nu nitahna.

#dicutat tina ceramah sunda Alm. KH. AF. Ghazali#

Iklan
2 Komentar leave one →
  1. Abdi allah permalink
    Maret 1, 2013 11:05 am

    Jdi sumanget dei hirup 🙂

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: